ANCELOTTI AFUNGUKA; "DI MARIA ALITAKA FEDHA NYINGI KUBAKI REAL MADRID, ALIPONYIMWA AKAZIFUATA MAN UNITED"

ANCELOTTI
AFUNGUKA; "DI MARIA ALITAKA FEDHA
NYINGI KUBAKI REAL MADRID,
ALIPONYIMWA AKAZIFUATA MAN UNITED"
NYOTA wa Manchester United, Angel di
Maria alitaka fedha nyingi ili abaki Real
Madrid, kwa mujibu wa kocha Carlo Ancelotti.
Kocha huyo wa Bernabeu amesema klabu
iligoma kuvunja utaratibu wake wa ulipaji
mishahara ili kumbakiza Muargentina huyo,
ambaye amehamia Old Trafford kwa dau la
uhamisho la Pauni Milioni 60 msimu huu.
Di Maria ameingia vizuri kwenye kikosi cha
Louis van Gaal hadi sasa akiwa amefunga
mabao matatu katika mechi tano za Ligi Kuu
ya England.
Angel di Maria amejiunga na Manchester
United kutoka Real Madrid msimu huu kwa
dau la rekodi Uingereza la Pauni Milioni 60
Carlo Ancelotti amesema wing huyo wa
Argentine amekwenda England kufuata
'mahela' mengi
Lakini bosi huyo wa Real, Ancelotti anaamini
sera za klabu zilikuwa ni bora zaidi kuliko
kumbakiza Di Maria kwenye safu ya
ushambuliaji ambayo tayari inao Cristiano
Ronaldo, Gareth Bale na James Rodriguez.
"Nilikubaliana na klabu. Kuna wakati ambao
klabu inabidi iseme hapana. Huwezi
kubadilisha sera za klabu kwa sababu ya
mchezaji mmoja. Di Maria alitaka fedha
nyingi na akaona ni bora kuondoka kuzifuata.
Klabu isingeweza kumpa fedha
alizotaka,"amesema Ancelotti.