PIGO TENA LIVERPOOL, STURRIDGE AUMIA TENA MAZOEZINI NA ATAKAA NJE WIKI TATU ZAIDI

PIGO TENA LIVERPOOL,
STURRIDGE AUMIA TENA
MAZOEZINI NA ATAKAA
NJE WIKI TATU ZAIDI
KLABU ya Liverpool imepata pigo kubwa jana
wakati Daniel Sturridge alipotakiwa kuwa nje
kwa angalau wiki tatu zaidi baada ya kuumia
tena mazoezini.
Kocha Brendan Rodgers amekuwa na
matumaini kupona kwa mshambuliaji huyo
kungeimarisha kikosi chake.
Sasa Sturridge, ambaye aliumia ndama wakati
wa kupasha misuli moto Melwood Alhamisi,
atakosa mechi kadhaa ngumu zikiwemo za
nyumbani na ugenini za Ligi ya Mabingwa
Ulaya dhidi ya Real Madrid.
Mshambuliaji wa Liverpool, Daniel Sturridge
anatarajiwa kuendelea kuwa nje kwa wiki tatu
zaidi
Liverpool itakuwa na mechi saba katika wiki
tatu zijazo ikiwemo ya hatua ya 16 Bora ya
Kombe la Ligi, au Capital One dhidi ya
Swansea Oktoba 28 na ya Ligi Kuu ya
England dhidi ya Chelsea Uwanja wa Anfield
Novemba 8.
Sturridge alipona maumivu ya mguu aliyopata
akiichezea timu ya taifa ya England Septemba
mwaka huu, maumivu ambayo yalizua
mtafaruku baina ya Rodgers na kocha wa
Three Lions, Roy Hodgson juu ya muda wa
kupona kwa mpachika mabao huyo.

MECHI ZA LIVERPOOL AMBAZO STURRIDGE ATAKOSA
QPR v Liverpool
Liverpool v Real Madrid
Liverpool v Hull
Liverpool v Swansea
Newcastle v Liverpool
Real Madrid v Liverpool
Liverpool v Chelsea