Waathirika wa Mabomu Mbagala Walia na JK, Fidia walizolipwa Aibu!!!

yasome mwenyewe mabango

Zaidi ya waathirika 1,000 wa milipuko ya  mabomu Mbagala  ya Aprili 2009 wamemuomba Rais Jakaya Kikwete kuingilia kati na kuwasaidia ili waweze kupata fidia inayostahili.

Wakizungumza na waandishi wa habari jijini Dar es Salaam,  Katibu wa Kamati ya waathirika hao, Thomas Mbasha alisema wamelipwa fidia ndogo na waliandika malalamiko yao kwa njia ya maandishi kwa serikali wakitaka kuongezwa fidia lakini hawajapata majibu mazuri hadi sasa.

“Tumeandika barua kadhaa kwa serikali tukiomba fidia zetu lakini hakuna kilichofanyika… Tunahitaji Rais aingilie kati suala hili na kutusaidia ili tulipwe stahili zetu kabla hajaondoka madarakani,” alisema.

Alisema fidia walizolipwa awali hazingulingana na thamani ya mali na vitu walivyopoteza wakati wa mabomu hayo.

Waatjirika hao walionesha baadhi ya Hundi za benki zilzoikuwa na kiasi cha shilingi 1,400/-,  2,700/-, 1,950/-, 4,900/- kiasi ambacho baadhi ya waathirika ndio walilipwa kama fidia ya mali zao ikiwa ni pamoja na nyumba zilizokuwa zimeharibika kutoka na milipuko ya mabomu hayo. 

Hizi ndizo fedha zilizolipwa kaazi kwelikweli

Mwenyekiti wa Kamati hiyo Stephen Gimonge alisema Rais Kikwete alitembelea eneo hilo na kuahidi kuhakikisha waathirika wanalipwa fidia inayostahili lakini ahadi hiyo haijazaa matunda mpaka sasa.

“Alimuelekeza Waziri Mkuu kuhakikisha tunalipwa kulingana na mali zetu zilizopotea… lakini malipo ya fidia yalipokuja wengine tulilipwa chini ya kiwango” alisema na kusisitiza haja ya Rais Kikwete kuingilia kati na kuwafikiria wale waliopewa hundi zenye kiasi kidogo na kuhakikisha waathirika wote wanalipwa fidia zao.

Omary Mbonde ambaye ni mmoja wa waathirika hao alithibitisha kulipwa Hundi ya fidia ya Sh 1,950/-.

“Fedha hizo nimelipwa kama fidia kwa ajili ya nyumba yangu iliyoharibika pamoja na vitu vyangu vingine,” alisema na kuongeza kuwa alipeleka malalamiko yake kwenye kamati ili apate fidia inayostahili lakini hadi leo hajapata chochote.