BREAKING NEWS>> TAMASHA LA FIESTA LASABABISHA MAUJI YA KIJANA MMOJA

 

Mwili wa marehemu Mussa ukiwa katika chumba cha kuhifadhia maiti katika hospitali ya mkoa wa Shinyanga wakati wa kufanyiwa postmoterm leo

Kijana mmoja aliyejulikana kwa jina la Mussa Shija mkazi wa kata ya Chibe katika manispaa ya Shinyanga ameuawa kwa kupigwa kitu kizito kichwani na watu wasiofahamika akiwa kwenye tamasha la Serengeti Fiesta lililokuwa linafanyika usiku wa kuamkia leo katika uwanja mdogo wa Kambarage mjini Shinyanga Akizungumza na KITAANI BONGO NEWS mganga mfawidhi wa hospitali ya mkoa wa Shinyanga Dkt Fredrick Mlekwa amesema uchunguzi wa kitaalam walioufanya unaonesha kuwa kijana huyo alipigwa na kitu butu kichwani na kusababisha kuvuja damu kichwani kutokana na kuvunjika kwa fuvu la kichwa. Kaimu kamanda wa polisi mkoa wa Shinyanga Mussa Athuman amethibitisha kutokea kwa tukio hilo na kuongeza kuwa uchunguzi wa awali unaonesha kuwa kijana huyo aliuawa kwa kushambuliwa na watu wasiojulikana nje ya fensi la uwanja mdogo wa Kambarage palipokuwa panafanyika tamasha la Fiesta. Hata hivyo amesema jeshi la polisi litatoa taarifa kamili baadaye kwani linaendelea.

source: Kitaano Bongo