ROBIN VAN PERSIE KAMILI GADO KUPIGA MZIGO DHIDI YA SUNDERLAND

Amerudi: Robin van Persie amerudi mazoezini na alifurahia kukuatana na nahodha wa United, Wayne Rooney.

MANCHESTER United itamtumia mshambuliaji wake, Mholanzi, Robin van Persie  katika mchezo wa jumapili wa ligi kuu soka England dhidi ya Sunderland.

Wakati huu mkurugenzi mkuu wa United , Ed Woodward akiwa na mipango ya kuleta wachezaji wawili kabla ya kufungwa kwa dirisha la usajili, ameendelea kufuatilia namna anavyoweza kumsajili Angel di Maria. 

Pia anaangalia mwenendo wa Sami Khedira katika klabu hiyo ya Real Madrd.

Wakati huo huo kocha wa United, Louis van Gaal alitoa habari njema jana alhamisi  baada ya Van Persie kurudi mazoezini kwa mara ya kwanza.

Van Persie hajawahi kucheza chini ya kocha mpya wa Man United katika klabu hiyo tangu kumalizika kwa fainali za kombe la dunia nchini Brazil majira ya kiangazi mwaka huu.

Kocha Van Gaal aliiongoza Uholanzi kutwaa nafasi ya tatu na Van Perise ndiye alikuwa nahodha wake, na baada ya fainali hizo alimpa mapumziko ili kukusanya nguvu mpya.

Mholanzi alifanya mazoezi United ikijiandaa kuchuana na  Sunderland katika mchezo wa pili wa ligi kuu England.

Jembe jipya: Van Persie amerudi kazini wakati huu United ikihitaji ushindi kwa nguvu zote baada ya kupoteza mechi ya kwanza kwa mabao 2-1 katika uwanja wake wa Old Trafford jumamosi iliyopita dhidi ya Swansea.